Мәктәпнең үсеше аша милләтне торгызу һәм милләтне торгызу аша мәктәпне үстерү...
Бу үзара бәйләнеш табигый һәм бәхәссез, чөнки ул үзендә бер яктан халыкның мең еллык тәҗрибәсен, үткәннең бәһасез зирәклеген тупласа, икенче яктан ул катгый киләчәккә юнәлтелгән һәм бу халыкның тиз үзгәрүчән дөньяның барлык сынауларына әзерлеген чагылдыра.
Сакланган гореф-гадәткә таяну, этнопсихология һәм этнопедагогика потенциалын куллану милли мәгарифкә заман таләпләрен чишәр өчен көчле энергетика бирә. Шул ук вакытта белем һәм күнекмәләрнең дөнья стандартларына туры килерлек югарылыкка күтәрелүе мәгарифне, шуның белән бергә, мөстәкыйль типтагы уку йорты буларак милли мәктәпне модернизацияләүне фәнни нигезләнгән блуын таләп итә.
Авторлар группасы тарафыннан эшкәртелеп, Татарстан Республикасы Мәгариф Министырлыгы тарафыннан расланган концепция нигезендә, татар мәктәбе яшь буынга белем һәм тәрбия бирүдә күп гасырлар буена дәвамында тупланган бай тәҗрибәгә таянучы дәүләт һәм халык мәгарифенең күпбаскычлы системасын тәшкил итә.
|
|
