Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
UQU KİTABI 2 KLASS
BERENÇE SENTYaBR' — BELEM KӨNE.
Balalar, әydә mәktәpkә!
Balalar, әydә mәktәpkә,
Әtәç qıçqırdı kűptәn!
Tezelegez, kil ber rәtkә,
Qaradı qoyaş kűktәn.
Qoşlar, qortlar Hәm keşe –
Hәrqaysı eşli başladı.
Hәrkemneņ bar ber eşe —
Berәű dә eştәn qaçmadı.
Baq1, qırmısqa yөk taşıy,
Bal qortqae — tatlı bal,
Qoş oyağa műk taşıy...
Qoştan, qorttan ğıybrәt al!
Dәrdemәnd.
1. Yaxşı uqu өçen, kemnәn hәm nәrsәdәn ğıybrәt alırğa kirәk? Ni өçen?
Mәktәp.
Cәy űtep, kөz citkәç űk,
Mәktәp kűzen açtı tağın;
Yaltırap kitte uramnar,
Bastı nur tөrle yağın...
İnde başlandı dәreslәr,
İnde mәktәp canlana;
Nindi şat, nindi bәxetle
Monda kergәn Hәr bala!
Nәcip Dumawi.
1. «Mәktәp kűzen açtı», «mәktәp canlana» sűzlәren niçek aņlıysız?
2. Şağıyr’ mәktәpkә kergәn hәr balanıņ kiçergәn xislәre turında nәrsә di? Şul yullarnı tabıp, uqıp kűrsәtegez.
Sabıylar cırı
Qaz qanatları aq bulır,
İr qanatları at bulır.
Sabıylarnıņ qanatlanır waqıtı
Mәktәplәrdә uqır çaq bulır.
Ğabdulla Tuqay.
1. Ğabdulla Tuqay uquçı balalarnı kemnәr dip әytkәn?
2. «Qanatlanır waqıt» digәnne sez niçek aņlıysız?
3. Mәktәptә uqıp belem alu ni өçen kirәk dip uylıysız?

1 Baq — qara.



Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^