Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
ӘДӘБИЯТ 9 КЛАСС
 
XIX ЙӨЗ ӘДӘБИЯТЫ
 
Рус-француз сугышы бәете*
 
Мендем таунын башына, атым1 яздым ташына;
Бу француз азган икән үзенең газиз башына.
 
Французлар килеп кергән Мәскәү дигән калага,
Безнең гаскәр килгәчтен, алар качты далага.
 
Армияне җыйдырып, сайлап-сайлап алдылар,
Без сугышка кергәндә, куанышып калдылар.
 
Дүрт-биш кердек сугышка, каннар билдин актылар,
Сугышларны бетергәч, безгә медаль тактылар.
 
Французның атлары бар да ефәк тышаулы,
Французның солдатлары әфисәргә охшаулы.
 
Тирән сунын эчендә озын-озын камышы,
Унике патша эчендә бер француз тавышы.
 
Наполеонга тәхет кирәк, үз җиренә сыймаган,
Без мәскәүгә кергәчтен, ул да үзен сынаган.
 
Французлар монда килгәч, таныдылар үзләрен,
Унда-башкорт, сулда-типтәр2, табалмыйдыр эзләрен.
 
Французның илләре, түгәрәк икән күлләре,
Французларны куганда, үттек без күп илләрне.
 
Французның атлары кырын җирдә дулыйдыр,
Башкорт белән типтәрләр французны турыйдыр.
 
Башкорт, типтәр уклары, туры бәрә күпләре,
Без сугышта күргәннәр әле монда бетмәде.
 
Мәскәүгә дә кердек без, Наполеонны күрдек без,
Французны җиңгәндә җир җимереп йөрдек без.
 
Французны кудык без, үз иленә сөрдек без,
Французларны куганда, күп суларны йөздек без.
 
Наполеонның эшләпәсе канга тапланган иде,
Без сугыштан кайтканда, илләр шатланган иде.
 
Бу бәетне язган чакта, каләмнәр камыш иде,
Өйгә керсәң, тышка чыксан, шатлыклы тавыш иде.
_________________________
* Бәет кыскартып алынды.
1 Атым – исемем.
2 Типтәр дип элекке Уфа губернасында (Башкортостан) яшәгән татарларны атаганнар.
XIX йөз әдәбияты
 
Үзе турында
Туган ил
Сәяхәтләрдән кайтканда
Әсирлеккә төшкән дусты – казый турында уйлану
Мөнаҗәт
"Бөтен дөнья бәнем булса..."
Әбелмәнихнең "Тәндә җаным..." шигыренә
"Һай, нә оерсән?!."
"Бу сүзе кәгазьгә язмак кирәкдер"
Мулла белән абыстай
Онытмам сез наданнарны!
Сәхипҗамалга
Бу хәсрәтләр бетәр микән?
"Иген икмәк..."
Шиһабетдин Мәрҗани турында
Борынгы Болгар турында
Казан һәм аның халкы турында
Фаслы кыш
Кайгы
"Көн дә ызгыш..."
Әләк
Саран бай
"Иң әүвәл кирәк нәрсә..."
"Бирелдем мин яшьлегемдә..."



Главная | Новости | Библиотека | Словари | Учебники | Статьи | Тесты

© 2005-2017 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^