Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
Татарская Виртуальная Гимназия: ОРГАНИК ХИМИЯ

ОРГАНИК ХИМИЯ
Л.А. Цветков


LAT | CYR


Артка | Китапның башына | Алга



tmp5C-1.jpg
51 нче рәсем. Аксым
молекуласының икенчел
(спиральсыман) структурасы.
52 нче рәсем. Миоглобин аксымы
молекуласының моделе (өченчел
структура).
tmp5C-2.jpg
Функциональ группалары тышка карап торган чыгынтылар һәм керентеләр рәвешендәге билгеле бер күләмле конфигурацияле өченчел структура аксым молекуласының специфик биологик активлыгын тәэмин итә.
Функциональ группалары күп төрле булу сәбәпле, аксымнарны органик кушылмаларның безгә билгеле булган берәр классына кертергә мөмкин түгел; анда төрле класс билгеләре тупланган, алар бөтенесе бергә булганда өр-яңа бер сыйфат бирәләр. Аксым ул — органик матдәләр үсешенең иң югарыгы формасы.
Аксымнарның үзлекләре. Төзелешләре аеруча катлаулы булганлыктан, аксымнарның үзлекләре дә гаять күп төрле.
Аксымнарның бер төрлеләре, мәсәлән тавык йомыркасының аксымы, суда эреп, коллоид эремә хасил итә, ә икенче төрлеләре сыегайтылган тоз эремәләрендә эри. Кайбер аксымнар бөтенләй эреми.
Аксым молекулаларында (аминокислота звеноларының радикалларында) —COOH һәм —NH2 группаларының булуы аксымнарны амфотер үзлекле итә.
Аксымнарның әһәмиятле үзлеген — аның гидролизлашуын без беләбез инде. Гидролизны ферментлар тәэсирендә яки аксымны кислота яисә селте эремәсе белән җылытып үткәрәләр.

Артка | Китапның башына | Алга

 

КАЗАН • «МӘГАРИФ» НӘШРИЯТЫ 2002




Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^