Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
Татарская Виртуальная Гимназия: ORGANIK XIMIYa

ORGANIK XIMIYa
L.A. Çwetkow


LAT | CYR


Artka | Kitapnıñ başına | Alga



Aksımnıñ organizmda әwereleşlәre. Әytep ütkәnebezçә, xaywannar organizmında aksımnar azık belәn kergәn aksım aminokislotalarınnan tөzelә. Şuña kürә maylar һәm uglewodlar belәn berrәttәn aksımnar azıgıbıznıñ mәcbüri komponentı bulıp sanala.
Aşkaynatu proçessında fermentlar tәesirennәn azıktagı aksımnar gidrolizlaşa. Aşkazanında alar keçerәk «kisәklәrgә» — polipeptidlarga tarkalalar, ә eçәklәrgә kergәç, aminokislotalarga kadәr gidrolizlaşalar. Aminokislotalar eçәktәge tөksıman üsentelәr aşa kanga señәlәr һәm organizmnıñ barlık tukımalarına, küzәnәklәrenә ütep kerәlәr. Uglewodlar һәm maylardan aermalı bularak, aminokislotalar zapaska tuplanmıy.
Organizmda aminokislotalarnıñ yazmışı tөrleçә. Alarnıñ tөp massası aksımnar sintezına kitә, ә aksımnar üseş proçessında organizmnıñ aksım massasın arttıruga, tereklek eşçәnlege nәticәsendә sarıf itelgәnnәren yañartuga totıla. Aksımnar sintezı energiya yotılu belәn bara. Aminokislotalar organizmda aksım bulmagan azotlı kuşılmalar, mәsәlәn nuklein kislotaları sintezlau өçen dә faydalanıla.
Aminokislotalarnıñ ber өleşe akrınlap tarkaluga һәm oksidlaşuga duçar bula. Bu wakıtta azot ammiak rәweşendә aerıla һәm, moçewinaga әwerelep, organizmnan sidek belәn çıgarıla. Uglerod һәm wodorod isә uglerod (IV) oksidı belәn suga kadәr oksidlaşalar. Bu proçesslar barganda energiya aerılıp çıga. Lәkin aksımnar, energiya çıganagı bularak, uglewodlar һәm maylardan kala ikençe urında tora. Aksımnarnıñ organizmdagı tөp role bөtenlәy başka. Sez anı xәzer üzegez dә citәrlek tulı xarakterlıy alasız.
Aksımnarnı ximik sintezlau probleması. Aksımnarnı ximik sintez yulı belәn tabu mәs`әlәse galimnәrne inde küptәnnәn birle kızıksındıra, lәkin barı soñgı wakıtta gına bu өlkәdә berkadәr uñışka ireşelde.
Ni өçen soñ aksımnı, başka yugarı molekulyar matdәlәrne tapkan kebek, sintetik yul belәn tabu şuşı wakıtka kadәr xәl itelmәgәn? Monıñ sәbәbe aksım molekulalarınıñ aeruça katlaulı tөzeleşle buluında. Bezgә kirәkle aksımnı tabu өçen, anı tәşkil itkәn aminokislotalarnıñ sostawın belergә, berençel strukturanı, yag`ni aminokislota zwenolarınıñ niçek çiratlaşuın açıklarga, aksım molekulasınıñ külәmle konfiguraçiyasen tөgәl bilgelәrgә, ә annan soñ bolarnı yasalma yul belәn buldırırga kirәk.

Artka | Kitapnıñ başına | Alga

 

KAZAN • «MӘGARIF» NӘŞRIYaTI 2002




Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^