Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
.:: ӘYLӘNӘ-TÍRӘBEZDӘGE DӨN'YA.<br>1nçe kisәk (lat_) - 18.html
ӘYLӘNӘ-TÍRӘBEZDӘGE DӨN'YA.
1nçe kisәk

A. A. PLEŞAKOW
LAT | CYR

Artka | Kitapnıñ başına | Alga

ҺAWA TORIŞI NӘRSӘ uL?

Írtәn mәktәpkә cıenganda, Ayrat әtise be­lәn әnisennәn:

—  Bügen һawa torışı nindi? — dip kızık­sına.

—  Bügen cılı,—dip cawap birәlәr aña,— koyaş kızdıra, cil dә, yañğır da yuk.

Başkaça da bula.

—  Bügen salkın,—dilәr әtise belәn әni­se,—kükne sorı bolıtlar kaplagan, yañğır yawa һәm kөçle cil isә.

Kaywakıt kıska ğına itep:

—     Bügen yaxşı һawa,—

yaisә:

— Bügen һawa naçar, — dilәr.

                                         

Ayratka bügenge һawa torışın belü nigә kirәk dip uylıysıñ? Ә sin mәktәpkә cıenganda һawa torışın beleşәseñme? Niçek itep?

Һawa torışı nәrsә ikәnen añlatıp kara. Һawa torışın taswirlarga yardәm itkәn süzlәr­ne saylap al.

Zur, keçkenә, salkın, cılı, esse, kiñ, tar, korı, dımlı, yañğırlı, kıska, ozın, koyaşlı, tınıç, cille.

Һawa torışı — һawa temperaturasınıñ, bolıtlılık, yawım-tөşem һәm cilneñ ber ük wakıtta nindi buluı.

Һawa temperaturası — salkın, cılı, esse.

Bolıtlılık — ayaz (kük yөze çista, koyaşlı); ayazuçan bolıtlı (kük yөze bolıtlar belәn өleşçә kaplangan); bolıtlı (kük yөzen bolıt kaplagan).

Yawım-tөşemnәr — yañğır, kar.


Artka | Kitapnıñ başına | Alga

KAZAN «MӘGARÍF» NӘŞRÍYaTI, 2002



Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^