Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
.:: uku kitab (lat_) - 17.html
uku kitab
Gardanow X.Ş., Xasanow M.X
LAT | CYR

Artka | Eçtәlek | Alga

Өç ul.

(«Gali» isemle xikәyadәn.)

Ber keşeneñ өç ulı bar ide. Íñ keçkenәse Ga­li isemle bula. Әtilәre bazardan өçesenә dә berәr alma alıp kayttı. Almalar bik peşkәn — tatlı sulı cimeşlәr ide.

Berniçә sәgat'tәn soñ әtilәre, balaların yanına çakırıp: «Almalarnı nişlәttegez?» — dip soradı.

Өlkәn ulı әytte:

— Әti, min almanı aşadım. Eçendәge orlık­ların cıep kuydım. Bakçabızga çәçep, alma agaçı üsterergә buldım.

            —  Yaxşı itkәnseñ, ulım! — dide әtise.

urtançı ulı әytte:

—  Min dә almanı aşadım. Bik tәmle, tatlı cimeş ikәn.Әtiemә xak tәgalә isәnlek birsen dip doga kıldım.

Әtilәre yanә:  «Yaxşı itkәnseñ, ulım!»—dide.

Өçençe ulı Gali әtisenә karap әytte:

—  Almanıñ yartısın aşadım...

Әtise әytte:

—  Yartısın nişlәtteñ?

Gali kurkıp, kızarıp әytte:

—  Kürşebezneñ ulı Wәli awırıp yata. Barıp, yartısın   aña   birdem.   Bik   kuandı,   doga   kıldı.

—  Bәrәkalla, uglım! Sin bigrәk tә yaxşı it­kәnseñ! — dip, әtise Galineñ bitennәn, küzlәrennәn

üpte.

Dәrdemәnd.

   1. Xikәyane   başta   tulı  kileş   ukıp   çığığız,   annan rol'lәrgә bülep ukığız.

          2.   Әti keşeneñ һәm anıñ ullarınıñ yaxşılığı turında әytegez. Ni өçen Galine әtise aeruça maktıy?

          3.   Sezneñ kemnәrgә nindi yaxşılıklar eşlәgәnegez bar?

          4.   «Bik kuandı, doga kıldı» digәn süzlәrneñ mәg'nәsen әytegez.



Artka | Eçtәlek | Alga

KAZAN «MӘGARÍF» NӘŞRÍYaTI, 2004



Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^