Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
.:: uku kitab (lat_) - 18.html
uku kitab
Gardanow X.Ş., Xasanow M.X
LAT | CYR

Artka | Eçtәlek | Alga

Fәridә cırı.

I

Xuş kildeñ, berençe sentyabr'!

Әydә ker mәktәpkә,kөlep ker!

Küñelle kөn bügen, cırlı kөn!

Koyaşlı kөn bügen, nurlı kөn!

Fәridә üze çıgargan şuşı cırnı kөylәp yuındı, kiende, әyberlәren barladı, üze aşıktı.

—  Kaya bolay kabalanasıñ, sәgat' yarım wakıt bar әle!—dide Fatıyma apa.— Xәzer çәy өlgerә.

—  Yuk, әniem, soñga kalam! — dide Fәridә. Sumkasına ber alma ğına saldı da, tәrәzә tөben­dә utırgan өç çәçәkne elәkterep, çığıp ta yөgerde.

—  Xәerle yul, Fәridә! — dip kıçkırıp kal­dılar өydәgelәr.

II

Mәktәpkә tügel, Fәridә bөtenlәy ikençe yakka — Art uramga yөgerde. Bu uramda Asiya isemle kız yaşi. ul berençe klasska ukırga bara. Asiyaneñ әtise dә, әnise dә — terlekçelәr. Eşkә alar irtük, sә­gat' dürttә ük kitәlәr.

Asiyaneñ әnise ӘlFiya apa kiçә Fәridәgә әytkәn ide: «Fәridә, maturım,— digәn ide,— Asiyane ir­tәn uyatıp, çәçen ürep, çәy eçerep, mәktәpkә alıp bar inde!»

Fәridә kilgәndә kapka da, işek tә açık ide. Өydә keşe kürenmi. Asiyaneñ sumkası өstәldә tora.

—  Asiya, sin kayda? Әydә, mәktәpkә әzerlәn! — dide Fәridә. Cawap birüçe bulmadı. Miç aldında keçkenә mәçe balası biten yuıp utıra. Әyterseñ ul da mәktәpkә әzerlәnә.

—  Asiya kayda, apañ kayda? — dip soradı Fә­ridә añardan.

—  Mıyau,— dide pesi balası, başka süz әyt­mәde.

Fәridә işegaldına çığıp kıçkırdı:

—   Asiya, sin kayda?

Kürşe yortta Gөlbanu әbi kürende.

—   ul kayadır çığıp yөgerde, әnise yanına bu­gay,— dide әbi.

—   Íx,— dip kuydı Fәridә.— Asiya mәktәpkә baralmıy kala bit!

Fәridә nәni kıznıñ artınnan kuıp kitәrgә buldı.

—   Üzem dә soñga kalam bugay inde,— dip kay­ğırdı ul.


Artka | Eçtәlek | Alga

KAZAN «MӘGARÍF» NӘŞRÍYaTI, 2004



Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^