()
 
 
  |    |    |    |    |    |  
 
.:: uku kitab (lat_) - 22.html
uku kitab
Gardanow X.Ş., Xasanow M.X
LAT | CYR

Artka | Eçtәlek | Alga

Әdәplelek dәreslәre.

Xөrmәtle ukuçılar!

Sez menә uku dәreslәrendә kızıklı xikәyalәr, matur-matur şiğır'lәr, tөrle yazmalar ukıysız. Alarnı әdәbi әsәrlәr dilәr. Sezneñ uku dәreslәregez әdәbiyat dәrese.

Mәktәp matur, kürkәm keşelәr tәrbiyalәrgә tırışa. Ә nindi keşe matur, kürkәm?

Әdәple keşe genә matur һәm kürkәm bula.

Nindi keşe әdәple?

Kitap yaratkan, ukıgan, өlkәnnәrne ixtiram itkәn keşe әdәple bula.

Һәr kitap kiñәşçeñ sineñ, һәr әsәr nәrsәgә bulsa da өyrәtә. Bez uku dәreslәrendә xikәyalәrne, şiğır'lәrne ukıp kına kitmibez. Alarnıñ kiñәşlәren dә añlarga, alarnı tormışta kullana belergә dә gadәtlәnәbez. Әsәrlәrdәge kiñәşlәrdәn çığıp, bez әdәplelek kağıydәlәren bilgelibez. Әydәgez, bez şul kağıydәlәr turında sөylәşik әle! Alarnı Әdәplelek dәreslәre dip atıyk.

Berençe dәres.

Üz urınıñ.

ukıtuçı һәrkemgә urın bilgelәsә dә, Bari kөn dә ber urınga küçep utıra. Citmәsә, keşe urınına utıra. Klassnı butap beterә. Iğı-zığı kitә, dәresneñ dә baytak wakıtı şunıñ belәn ütә.

Monıñ sәbәbe bar: kaysı dәresne kem әybәt belә, şunıñ yanına utırırga tırışa ul.

Citmәsә, tәnәFestә Bari ukıtuçı urınına da utırıp, anıñ dәFtәrennәn dә nәrsәder küçerergә tırışa.

Ísegezdә totığız: sin өydә üz yatağıñda yokla, өstәl artında üz urınıña utır, mәktәptә üzeñә birelgәn urında şөğıl'lәn. Keşe urınına utıru zur әdәpsezlek.

Üzeñneñ genә tügel, sineñ әyberlәreñneñ dә üz urını bulırga tieş. Әyberne urınına kuymau şulay uk әdәpsezlek. Bu zur küñelsezlekkә kiterә. Bu xakta Tukay abıynıñ Һәrnәrsәneñ üz urını bar digәn keçkenә xikәyasen ukıp beldek inde.

Üz urınıñ digәn süz tirәn mәg'nәle. ul tormışta üz xezmәteñne başkaru, cәmğıyat'tә Faydalı keşe bulunı da añlata.

Mәkal'lәr.

Bii belmәgәn ayuga kөy kileşmi,

Torası kilmәgәn kilengә өy kileşmi,

ukıysı kilmәgәn balaga urın kileşmi.

ukuçınıñ tәrtiben utırgan urını әytep tora.


Artka | Eçtәlek | Alga

KAZAN «MӘGARÍF» NӘŞRÍYaTI, 2004



| | | | | |

2005-2019
2005-2010

@Mail.ru Kitap.net.ru Tatar.com.ru ^ ^