Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
.:: uku kitab (lat_) - 8.html
uku kitab
Gardanow X.Ş., Xasanow M.X
LAT | CYR

Artka | Eçtәlek | Alga

Xәerle yul!

Nindi küñelle kөn bügen!

Bөten  dөn'ya  Yaña  elnı  karşılaganday  şat!

Өylәrdә,  uramnarda  canlılık,   mәktәplәrdә

bәyrәm.

Koyaş elmaysa da, toman-bolıt bulsa da, yañğır koep yausa da, barıber — iñ matur kөn ul Berençe sentyabr'!

Bügen çәçәklәr kөne.

Kürәsezme, uramnarda küpme çәçәk satuçılar. Bakçalardağı küpme gөl-çәçәklәr Berençe sen­tyabr'ne kөtep torgannar. Nindi maturlar, güzәl­lәr! Bu çәçәklәr sezgә, balalar!

—Sez üzegez dә çәçәklәr iç, balalar! Sez bez­neñ tormışıbız gөllәre. Sez bezneñ kilәçәgebez! — dilәr өlkәnnәr.

Ә bu ni digәn süz?

Sez, mәktәplәrdә ukıp, belem һәm tәrbiya algan­nan soñ, üzegez tөrle һөnәr keşelәre bulıp eşlәr­sez. Bu tormışnı dәwam itterersez, anı tağı da yax­şırtırsız, maturlarsız.

Xәzer sez mәktәpkә atlıysız.

Mәktәp yulı — belem yulı.

Belem yulı — yaktı yul, bәxet yulı.

Sez   belemle   genә   tügel,   akıllı   da,   әdәple dә, tәrbiyale dә bulırga tieşsez.

Ә akılnı, әdәpne, tәrbiyane tugan teldә, ana telendә genә әybәt üzlәşterergә mөmkin.

Şuña da bügen berençe dәres — tugan tel dәrese. Tugan telneñ serlәre kitaplarda yaşerengәn. Kitapnı yaratığız, ul sezneñ yuldaşığız bulsın! Tugan tel һәm belem serlәrenә tөşenergә sezgә ukıtuçı apalarığız, abıylarığız yardәm itәr. Alarnıñ һәr süzen, һәr kiñәşen isegezdә totığız. ukıtuçı sezne yaktı yulga әydәr.

Menә kөmeş kıñğırau tawışı yañğıradı. ul sezne yaktı bülmәlәrgә çakıra, dәres başlanasın xәbәr itә. Rәxim itegez klasslarga!

Xәerle sәgat'tә, balalar!

Yaktı yul sezgә!

?   1. Әsәrne ukıtuçığız ukıgannan soñ, cәyge yalığız, xezmәtegez, өlkәnnәrgә yardәmegez turında da sөylәşe­gez. Cәyge kanikulda ukıgan kitaplarığıznı isegez­gә tөşeregez.

      2. «Mәktәp yulı — yaktı yul, bәxet yulı» digәn süzlәrneñ mәg'nәsen añlatığız.


Artka | Eçtәlek | Alga

KAZAN «MӘGARÍF» NӘŞRÍYaTI, 2004



Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^