Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
Татарская Виртуальная Гимназия.:: Tatar әdәbiyatı 7 (lat_) - 24.html
Tatar әdәbiyatı 7
F.M. Musin, Í.G. Ğıylәcew, R.S. Şәwәliewa
LAT | CYR

Artka | Eçtәlek | Alga

SARIKNI KEM AŞAGAN?

Ber Auçınıñ ber Sarığı kırda kalgan,

Ezlәp tә tapmagannar — ul yugalgan.

Ber-ike kөn ütep kitkәç, bezneñ Auçı:

"Büre aşagan sarıknı",-dip xәbәr algan.

Monı işetkәç, Auçı çiksez açulandı,

Ertkıçlarnıñ bu eşenә kөyde, yandı.

"Sarıknıñ üçen almıy kalmamın",—dip

Canwarlarga şuşılay dip xәbәr saldı:

"Kızganıp tora idem üzem sezne,

Açulansam - kaldırmamın һiçberegezne.

Sarığımnı kem aşagan bulsa — şunı

Talәp kıylam miña totıp birüegezne!"

(Auçını belә urmanda һәr canwar)

Bu xәbәrne işetkәçtәn tañ kaldılar.

"Auçını tizrәk riza itәek",—dip,

Kiñәş өçen zur urınga cıynaldılar.

Mәclestә Tөlke - kyatib, Büre - rәis,

Rәis süz başlap әytte: "Bu nindi eş?

Auçınıñ Sarığın kem aşadı?-

Tanmaença uşbu cirdә әytü tieş.

Şul eş өçen çakırdım min monda sezne,

Açulansa Auçı kırır һәmmәbezne.

Kem aşasa, şunı birep kotılaek,

Tug'rılıktan aermağız üzegezne..."

Әüwәl Büre "aşamadım" dide, tandı,

Tөlke dә tug'rılığın sөylәp aldı;

Һәmmә ertkıç üzlәrene saFladılar,

Ber yak çittә ertkıç tügel kuyan kaldı.

Dide Büre: "Çittә torıp yalğız üzeñ,

Bur keşeneñ küze tөsle ike küzeñ.

Sarıknı aşagan keşe sin tügelme?

Әytep kal, monda kilep, әyter süzeñ!"

Kuyan meskin kurkuınnan kaltıradı,

"Aşauçı min tügel",—dip çak әytә aldı.

Şөbһәle keşe tөsle cawap birgәç,

Barça ertkıç: "Aşauçı şul!.." dip awaz saldı

(Aşamıy Kuyan һiçber wakıtta it)

Әytә almadı, aşauçı min tügelder, dip.

Dide Büre: "Sarık aşap yөrgәn keşe

Şuşı ikәn, kiteregez bәylәrgә cep!"

Şul minutta әllә kaydan cep taptılar,

Kuyannıñ muenına cep taktılar.

"Yawızlıknıñ cәzasın kür menә inde!"-dip,  

Auçınıñ awılına ozattılar!


Artka | Eçtәlek | Alga

Ízdatel'stwo Kazan, 1999



Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^