Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
Татарская Виртуальная Гимназия.:: Tatar әdәbiyatı 7 (lat_) - 28.html
Tatar әdәbiyatı 7
F.M. Musin, Í.G. Ğıylәcew, R.S. Şәwәliewa
LAT | CYR

Artka | Eçtәlek | Alga

ALMAÇuAR

(Өzeklәr)

I

Өydә tutırıp bәrәñge peşergәnnәr. Min ettәn yaman açıkkan­mın ikәn. Küzemә ak-kara kürenmәde, kaz yomırkası zurlığındağı bәrәñgelәrne tozlap-tozlap arış ikmәge belәn bөgәrgә totındım.

Üzem awız tulı kөençә burlı biya turında tuktamıy һaman sөylim.

Әnkәy ber açulana, ber kөlә:

-  Siña, axrı, at cene kağılgandır, torsañ — şul, yatsañ — şul, bar belgәneñ şul buldı,-di.

Min, anıñ belәn karulaşırga uylap, awızımnı ğına açkan idem, tübәn oç Fәһrineñ zur ulı Sәpәr uram yak tәrәzәdәn baş tıktı da, ut çıkkan kebek, akırıp cibәrde:

-  Zakir! Zakir! Sөençe! Burlı biyañ kolınladı,—di.

Ni eşlәgәnemne belmәdem, әni, aptırap:

-  Ay, bu bala xarap bula inde şul mal өçen! -dip kıçkırıp kaldı, min, aş'yaulıklar, tabaklı bәrәñgelәr өstennәn atılıp, yortka çaptım.

Әtkәy bakça buenda arba tөzәtep mataşa ide. Turı aña taşlan­dım.

-  Әtkәy, әtkәy, әydә tizrәk, biya kolınlagan,—dip akıram.

Gacәp yaratam min şul әtkәyne! ul әz genә dә açulanmadı, mi­nem süzne işetü belәn, urınınnan tordı da koymaga elengәn nuk­tanı aldı:

-  Kem әytte, sөençe birdeñme?

ul arada kapkadan Fәxri malae Sәpәr sөençe sorap kilep ker­de.

Minem, kaz kawırsınnarı, çüprәklәr satıp, sөençegә dip әzerlәngәn altı tien akçam bar ide. Karap ta tormadım, yaşergәn cirdәn tiz genә aldım da Fәxri malaena kiterep tottırdım.

Bez әtkәy belәn Өzәn elga buena kolınnı alırga kittek.

II

Şәp mallar ayaklanıp tua dilәr.

Axrısı bu süz dөrester.

Bez barıp citkәndә, kolın üzeneñ әle bik nığıp betә almagan neçkә ayakları belәn saklana-saklana basıp yөri başlagan ide inde.

Biçarakaem, bik açığıp tugan, kürәseñ: әle ber yağına, әle ikençe yağına çığıp, әnkәseneñ sөt belәn tulıp katkan imçәklәren suı­rıp azaplana.

Bu arada burlı biya bik artık xolıksızlanıp kitkәngә, min anıñ yanına barırga kurıktım. Üzeneñ nuktası belәn aña yakın kilә başlagaç ta, ul, balasın birmәskә tırışkan ana arıslan kebek, әllә nindi yaşel tawışlar belәn çinap, әtkәy өstenә taşlanmakçı buldı. Yomırılıp teşlәrgә, çıeldap, kolınınıñ әle ber, әle ikençe yağında yөgerep tibәrgә itep karadı.

Lәkin bezneñ әtkәy kurku digәnneñ nәrsә ikәnen belmi, mallar da anıñ bolay ikәnen añlıylar bulsa kirәk. Biyaneñ dulawına — teşlәrgә, tibәrgә omtıluına karamastan, әtkәy turı bardı da mue­nına nuktanı taşladı; alay-bolay itkәnçe, burlı biyaneñ başı kalın nukta eçenә kerep tә өlgerde. Min aptırap, xәyran bulıp tik tordım. Şatlandımmı, yukmı - belmim.

III

Tik өygә alıp kaytıp, biyane koe baganasına bәylәp kuygaç kı­na, min üz-üzemә isәp birә alırlık buldım.

Kolın çınnan da gacәep ber nәrsә ide.


Artka | Eçtәlek | Alga

Ízdatel'stwo Kazan, 1999



Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^