Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
Татарская Виртуальная Гимназия.:: Tatar әdәbiyatı 7 (lat_) - 29.html
Tatar әdәbiyatı 7
F.M. Musin, Í.G. Ğıylәcew, R.S. Şәwәliewa
LAT | CYR

Artka | Eçtәlek | Alga

Anıñ botları niçekter ciñel atlıylar. Bәkәllәre ozın, şun­dıy neçkә ozın ki, mondıylar tik çabışkı atlarda ğına bula dilәr. Әle yaña ğına kibep kilә torgan koyrığı belәn yalı, әz genә, kıska ğına bulsalar da, ozaklap ürep, kabartıp yasagan ceFәk bәylәme kebek üzennәn-üze dulkınlanıp toralar. Tüm-tügәrәk sır­tı өstennәn, nәq arka üzәge turınnan, barmak kalınlığı kara tasma kebek bulıp, koyrıktan yalga citkәnçe, kara ceFәk con su­zılgan. Ozınça, akıllı başnıñ kiñ mañgaendağı ozın yara kaş­ka — bu kolınnı meñ, million iptәşlәre arasınnan bөtenlәy aerıp, maturlığı belәn yalğız itep kürsәtәlәr. Bөten gәüdәse әyter­señ xodaynıñ üz kulı belәn, Fәreştәlәrneñ yardәme belәn tigezlәp, matur itep, koelıp yasalgan. Şundıy... sılu, şundıy asıl sөyak bulıp yaratılgannar.

Tөse xakında aptırap kaldım. Kara tügel, kük dip tә bulmıy. Anası kebek saF burlı da tügel - niçekter, kügelcem ak çәçәk tө­se kebegrәk bulıp yaltırap tora.

Ber samawır kaynarlık wakıt ütmәgәnder, yortka bala-çaga cıela başladı. Barı da, awızların açıp, xәyran bulıp, bu asıl sөyak kolınga karap katalar.

Kaydandır işetep, bezneñ SaFa babay da ak sakalın cilberdәtep kilep kerde. ul bөten tirә-yakka at tanu belәn dan totkan keşe.

"Ya, xoday! Ni әyter?"—dip, min aña karap kattım.

Kolınnı kürügә babaynıñ yөze açıldı:

—  Sөbxanalla... Sөbxanalla... Küz timәsen... Bu kolın da üze­neñ elekke ike agasına oxşagan ikәn,-dide.

Dәşmi-tınmıy tağı bik ozak karap tordı da:

-  Şulay, şulay! Yañlışmıym. Bu da nәq agaları kebek...-di­de.

Әti, miña beldermiçә genә, әllә kayçannan keçkenә genә kөmeş kıñğırau alıp kuygan ikәn. Әni kızıl tasma birde.

Kart akrın ğına, osta ğına kilep, kolınnı kinәt kenә koçak­lap aldı da:

—  Bismilla... Sөbxanalla... Yaman küzdәn, et-büredәn xoday saklasın,-dip, dogalar ukıy-ukıy, minem ayğırımnıñ muenına şul kızıl tasma belәn kıñğıraunı taktı.

Tağı beraz çitkәrәk kitep karadı da әtkәygә:

-  Belәseñme, XaFiz, bu nәq agaları kebek bulır, tөse dә bik tiz arada almaçuarga әylәner... Xәerle bulsın, xәsrәteñ zur ide, ike өlkәn balañnıñ xaFası sine bik kartaytkan ide, burlı biya bu yortka ciñel ayak belәn kilde, bәrәkәt kiterde,—dide.

Íke өlkәn balasın xәtergә tөşerü һәrwakıt bezneñ әtkәyneñ yөrәgenә awır bula; mondıy çakta, niçekter, anıñ tawışı üzgәrә, süzlәre başkaçarak çıga. Min, aptırap, küzlәrendә yaş' yukmı dip, aña karıym.

Yuk, ul elamagan. Şulay dә әsәrlәngәn. Әllә nindi eçke tawış belәn:

—  Sөylәmә inde, SaFa abzıy, ul ike balam adәm tügel, laçın­nar, arıslannar ide. Üzlәre dә bәxetsez buldı, minem dә wakıtsız çәçlәremne agarttılar...-dide. Beraz tuktap torıp:-Yazgan şul­dır inde... Menә bar өmet bu keçkenәsendә,-dip kuştı.

SaFa babay tağı, telәklәr telәp, kolınnı maktadı da minem kolağımnan şayartıp tarttı:

-  Zakir, bәxeteñ zur ikәn: başkortnıñ burlı biyase atañnı ayakka bastırdı, siña almaçuar kolın birde, bu kolın ike agası kebek asıl sөyaklәrdәn...Küz timәsen, bu da çabışkı bulır...-dip sөylәnә-sөylәnә çığıp kitte.

Min kaya baskanımnı belmim. Ber kөndә әllә niçaklı üskәn kebek buldım: uenmıni?! Minem kolınım bar. ul ayğır! Tөse al­maçuarga әylәnәçәk! Tirә-yakta dan totkan ike agası kebek çabış­kı bulaçak!

Әnә küregez: ul niçek kөmeş tawış belәn yañğıratıp keşni! Niçek asıl sөyakle gәüdәse belәn maturlap sikerep uynıy!

IV

Şul kөnnәn alıp Almaçuar minem tormışımnıñ üzәge bula. Şatlıklarım, kayğılarım şunnan çıga, şuña kaytalar. Tөşemdә şunı kürep sataşam. Írtәn toruga, kienmәstәn, bitemne yumastan, min abzarga, Almaçuarnı kararga, anıñ isәnlegen belergә yөgerәm. Ísәn, bik isәn!


Artka | Eçtәlek | Alga

Ízdatel'stwo Kazan, 1999



Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^