Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
Татарская Виртуальная Гимназия.:: Tatar әdәbiyatı 7 (lat_) - 70.html
Tatar әdәbiyatı 7
F.M. Musin, Í.G. Ğıylәcew, R.S. Şәwәliewa
LAT | CYR

Artka | Eçtәlek | Alga

    BALAM KӨLÜE

(Nәser)

SaF-saF agaçlı, mul çәçәkle bul'war. Bul'warda bala-çaga. uynıylar, kөlәlәr, şayaralar.

Әnә çem-kara küzle, tüp-tügәrәk yөzle ber malay babası belәn kuışıp uynıy. Tomırılıp ta çaba malay, dөp-dөp itep, cir sel­ketep çaba. Üze çırık-çırık kөlә, kөlgәndә küzlәrennәn çın-çın şatlık nurları, eçkersez kuanıç oçkınnarı sibelә anıñ.

Íx, şayan dustım, şulkadәr dә minem ulıma oxşatıp kөlәrseñ ikәn! Minem dә bit menә nәq sineñ kük şuk, sindәy citez ulım bar. Kayaçı, totıp alıp, ulım kebek itep tupıldatıp ber sөyim әle üzeñne! Tottırmıysıñ, çabasıñ? ulımnı nikadәr dә sağıngan-lığımnı belmisender şul sin... Rәxmәt inde, әnә şulay ulımnıñ şat kөlüen işettergәneñ өçen dә bik zur rәxmәt!

Çü, әnә arırak ber bala elıy tügelme? Elıy... Әnise kızçığın kulında tirbәtә-tirbәtә yөrenә, bik yağımlı yuatu süzlәre dә sөyli, ә bala һaman elıy. Әy, kara inde, şulkadәr dә minem kızıma oxşa­tıp elıy bit. Kızımnıñ әnә şundıy da matur itep elaganın moña tikle belmi yөrgәnmen lәbasa...

-  Í üskәnem, şulay elap toralarmıni... Karale, menә minem nindi tәtiem bar, üze kelt-kelt itә. Tıñlale? Menә şulay. Í-i-i, elamıy iç ul, kөlә genә. Әnә kөlә, әnә...

Kızçıkka yat abıynıñ süzlәre, annan da bigrәk, kulına bәylәgәn kelt-kelt itә torgan yaltırawıklı tәtie oşap kitte bulsa kirәk, ul akrınlap elawınnan tuktadı. Nәni kulların kelt-kelt itә tor­gan yaltırawıklı tәtigә suzdı.

-  Һay sin, usal kız!

usal kız yaş' aralaş kөlep cibәrde.

Әnise dә şatlanıp kөlde.

Min dә rәxәtlәnep ber kөldem.

Kөl sin, kızçığım, kөl! Şulay üz digәneñne daulap matur itep kenә elap al da, may yañğırı artınnan uk balkıgan koyaş kük, saF nurlı itep kөl!

Sin dә, şayan malay, şulay cir selketep yөger, şayar, kөl!

Menә xezmәt komandirowkam betәr dә, min dә ulım, kızım yanı­na kaytırmın. Aerılışular bulmasa, şatlıklı oçraşular da bul­mas ide, dilәr bit şağıyr'lәr. Şulay ikәn şul. Min ulımnı ber tezemә, kızımnı ikençe tezemә utırtıp sөyarmen, alar tağın da maturrak, tağın da nurlırak, tağın da sөykemlerәk itep kөlerlәr.

Bulsın, xezmәtebez talәp itә ikәn, әydә, bula birsen mondıy aerılışular. Alar ulımnıñ şat kөlüen, kızımnıñ saF nurlı elmayuın tağın da tansıgrak, tağın da yakınrak kına itә bit miña.

Bulsın, әydә, bula birsen, mondıy şatlıklı oçraşular kөtә torgan aerılışular!

Әmma...

Bez başka tөrle aerılışularnı da yaxşı xәterlibez.

Minem abıem da Mәskәü yanı okoplarında yatkanda üzeneñ keç­kenә ulın, nәni kızın өzelep sağıngandır. Ülemneñ küzenә turı karap atakaga kütәrelgәndә, ulınıñ şat kөlüen, kızınıñ yağımlı elmayuın xәterennәn kiçergәnder.

Min yaş' soldat idem әle.

Өylәr urınına cimerek morcalar ğına tırpaep utırgan kara sөremle ukrain awılları aşa uzganda kürgәn kaynar kөlne akta­rıp nәrsәder ezlәp yөrüçe balalarnı mәñge onıtasım yuk.

Alar kөlmilәr ide.

Suğışlar bette. Abıemnıñ ulı belәn kızı mine şatlanıp kar­şıladılar.

Lәkin... Kөlmәdelәr.

Abıem Berlin uramnarında, reyxstag başına kızıl әlәm ka­daudan ike genә sәgat' elek, mәñgegә küzlәren yomdı...


Artka | Eçtәlek | Alga

Ízdatel'stwo Kazan, 1999



Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^