Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
Татарская Виртуальная Гимназия.:: TATAR ӘDӘBÍYaTI (lat_) - 57.html
TATAR ӘDӘBÍYaTI
N. XӘBÍBuLLÍNA, X. G. FӘRDÍEWA, Ә. N. XuCÍӘXMӘTOW
LAT | CYR

Artka | Kitapnıñ başına | Alga

ÍMӘN

Yul çatında yalğız ğına

Üsep utıra ber kart imәn.

Tirә-yağı yaşel çirәm,

Botakları cirgә tigәn.

Tañ cillәre cilFer-cilFer

CilFerdәtә yaFrakların.

Ímәn cırlıy, iskә tөşerep

Şaulap üskәn yaş' çakların.

Meñ el elek kemder monda

Cir kazıgan, tir tamızgan.

Һәm berençe kat imәnneñ

Yaşәü irtәsen kabızgan.       

                                                                                   

Kem dә belmi ul keşene,

Ígençeme, bakçaçımı,

Yaşellek һәm xәyat sөygәn

Batır xezmәt patşasımı?

Kem bulsa da, tuFrağında

Cir saklagan anıñ tiren.

Һәm kart imәn gomere belәn

Bülәklәgәn bu eş iren.

Һor kөn yuldan distәlәgәn

Yulçı uza, tuzan tuza.

Һәm һәr yulçı—moñlı cırçı

Ímәn cırın tıñlap uza.

Cille kөnne yulçılarnı

Ímәn saklıy cil-yañğırdan.

Cılı birep cil-su ütmәs

Yaşel çuklı yurganınnan.

Külәgәse yal itterә

Kırda eşlәp argannarnı.

Kawıştıra aylı kiçtә

Yaşeren utta yangannarnı.

Yul kürsәtә adaşkanga

Ímәn kışkı burannarda.

Cәen tatlı dımın eçerә

Kırda urak urgannarga.

Bәxetle sin, erak ildәş,

Xezmәteñә min baş iyam.

Һәykәl bulıp yaş'legeñә

Üskәn monda bu kart imәn.

Cirdә keşe torsa torsın,

Eze kalsın tirәn bulıp.

Üze ülsә, eşe kalsın

Meñ yaşәrlek imәn bulıp.

____________________________________________________________________________________________________________________

yaşel çuklı yurganmonda: imәn yaFrakları

kawıştıra—küreşterә, oçraştıra

____________________________________________________________________________________________________________________

Soraular һәm biremnәr

1.  Şiğır'ne sәngat'le itep ukığız. Eçtәlegen sөylәgez.

2. Keşeneñ tormış maksatın bilgelәgәn yullarnı ukığız. Keşeneñ eşen şağıyr' nәrsә belәn çağıştıra?

3.  Bu şiğıre belәn awtor nәrsә әytergә teli?

4.  Soñğı yullardan sez nәrsә añladığız?

5.  Şiğır'ne yattan өyrәnegez.


Artka | Kitapnıñ başına | Alga

KAZAN «MӘGARÍF» NӘŞRÍYaTI, 2002



Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^