Вы используете гостевой доступ (Вход)
 
 
Главная  |  Новости  |  Библиотека  |  Словари  |  Учебники  |  Статьи  |  Тесты
 
Татарская Виртуальная Гимназия.:: TATAR ӘDӘBÍYaTI (lat_) - 68.html
TATAR ӘDӘBÍYaTI
N. XӘBÍBuLLÍNA, X. G. FӘRDÍEWA, Ә. N. XuCÍӘXMӘTOW
LAT | CYR

Artka | Kitapnıñ başına | Alga

Aksak әsir miña yakınrak kilde, tağın süz başladı.

—  Sin niçek uylıysıñ?—dide.

—  Suğış betkәnçe ük tugan ilgә kaytası ide,—didem min,— tik menә cae çıkmıy әle.

— Monısı, içmasam, süz,—dide aksak әsir.—Min dә şulay uylıym. Tik menә ayak sınatır.

Әle baya ğına bik gadi bulıp kürengәn küzlәr xәzer kara kümerdә yanıp torgan çatkılar kebek yaltırıylar ide.

—  Sineñ isemeñ niçek?—dide aksak әsir.

—  Nikolay.

—  Mineke dә Nikolay, dimәk, adaşlar.

—  Şulay bulıp çıga,—didem min.

Kinәt tau kırıenda ozın komendant һәm grajdanskiy kiemdәge tağın berniçә keşe kürende. Alar arasında mine biregә eşkә cibәrüçe nemeç ta bar ide.

Alar yugarıdan bezne küzәtep toralar. Komendant ber kulın artka kuygan, ber ayağın algarak çıgarıp, yak-yakka karana. Koralsız әsirlәr karşında, tau başına basıp, «ciñüçe» bulıp kürenergә tırışa. Anıñ bu axmaklığı tumıştan kilgәn, axrısı. Aña, bәlki, berwakıt akıl da kerer. Lәkin soñ bulır,

Nikolay alarga küz tөşerep aldı da kәylә belәn taşka kiterep suktı. ul açulı ide. Kәylә oçınnan sibelep kitkәn çatkılar üz yөrәgennәn çıgalar ide kebek.

—  Adaş,—didem min aña.

ul da, miña kütәrelep karap:

—  Adaş,—dide.

Bez ber-berebezne әle xәzer genә tanıp aldık kebek, yөzgә-yөz karaşıp tordık. Ni өçender, ikebez dә ber'yulı elmaydık. Bәlki, bu bezneñ küñellәrneñ oçraşkan çağı bulgandır. Keşe gomerendә mondıy minutlar ozak onıtılmıy.

_____________________________________________________________________________

nәFrәt—iñ kөçle doşmanlık, küralmau xise

Firgaven—borınğı Misır patşası

kıya—ütә tekә tau

kәylә—ber yağı oçlı itep eşlәngәn çükeç sıman timer koral

ualu—wak kisәklәrgә bülenü, watılu

cinayat'—xıyanәt, ilgә, xalıkka karşı eşlәngәn zararlı gamәl

_____________________________________________________________________________

Soraular һәm birem

1.  Әsirlәrne nindi eşlәrdә eşlәtәlәr?

2.  Bu gazaplı tormışnı awtor kaysı çor belәn çağıştıra?

3. Әsirlәr nәrsә turında bәxәslәşәlәr?

4. Povest'nı tulısınça ukıp çığığız.

                   


Artka | Kitapnıñ başına | Alga

KAZAN «MӘGARÍF» NӘŞRÍYaTI, 2002



Главная | Новости | Библиотека | Словари | Учебники | Статьи | Тесты

© 2005-2019 Татарская Виртуальная Гимназия
© 2005-2010 Городской Информационно Диагностический Центр

Рейтинг@Mail.ru Kitap.net.ru Tatar.com.ru ^ ^